西甲：畢爾包與格蘭納達勢均力敵
- 时间：2021-11-26 16:30:13|
- 来源：24直播网
今晚西甲独脚戏，毕尔包主场迎战CF格兰纳达。毕尔包乃今季和波专家，与球队守强攻弱有关；格兰纳达客场亦分外保守，今仗唔慌多波入，2.5球嘅入球细值捧。
毕尔包今季开咧后13仗联赛，竟然有7场打和，係今季暂时和波最多嘅西甲球队之一，踢法上佢哋仍然保持一贯硬朗球风，只係失咗8粒，係暂时失波最少嘅西甲球队，防守固若金汤。但相对而言，佢哋嘅进攻能力就黯然失色，至今仅攻入11球，阵中首席射手伊拿基威廉斯入得3粒咁大把，老将鲁尔加西亚亦脚头无灵，单计近4仗联赛，呢支「巴斯克雄狮」录得3和1负未赢过，总入球全开2球或以下，明显守强攻弱，今场有主场之利亦未必够赢。
作客例打守势波
另一边厢，于下游挣扎嘅格兰纳达，近5仗联赛取得1胜2和2负，表现未至太差，不过上仗对皇马惨败1比4之余，仲有主力防中蒙祖领红牌被逐，今仗要坐波监，加上要客场出击，一定会先做好防守。查实格兰纳达作客例必打守势波，开咧后7仗客场联赛，只係入过5粒，单计近5仗客场联赛，亦有4次总入球开2球或以下，为抢分护级更加唔敢轻举妄动，细盘稳开。